O‘zbekiston kasaba uyushmalari Federatsiyasining Samarqand viloyat Kengashi tomonidan Samarqand davlat universitetida yosh xodimlar va talabalar ishtirokida ochiq muloqot o‘tkazildi.

Tadbirda ishtirok etgan viloyat kengashi raisi Suxrob Rafikov so‘zga chiqib, bugungi kunda mamlakatimizda Prezidentimiz tashabbuslari bilan olib borilayotgan keng ko‘lamli islohotlar, yoshlarga yaratilayotgan shart-sharoit va imkoniyatlar, shuningdek, kasaba uyushmalari tizimida yoshlar ijtimoiy himoyasini kuchaytirish bo‘yicha olib borilayotgan ishlar xususida so‘z yuritdi.

Ochiq muloqot qizg‘in bahs va munozaralarga boy tarzda  o‘tdi.

Tadbir yakunida universitetning faol yoshlariga tashakkurnomalar va esdalik sovg‘alari topshirildi.