Samarqandda 10 iyundan bolalar oromgohlari o‘z faoliyatini boshladi. Shu munosabat bilan bugun erta tongda 1-davraga qabul qilingan bolajonlarni oromgohlarga kuzatish tadbiri bo‘lib o‘tdi.

Unda O‘zbekiston kasaba uyushmalari Federatsiyasining Samarqand viloyat kengashi raisi Suxrob Rafikov ishtirok etib, bolajonlarni yangi mavsumda maroqli dam olishlari uchun davlatimiz tomonidan barcha shart-sharoitlar yaratilganligi xususida so‘z yuritdi.

Ma’lumot uchun, joriy yil viloyatimizda mavsum davomida 4 davrada jami 8 000 nafar bolajonlar sog‘lomlashtirilishi rejalashtirilgan.