Бугунги COVID-19 коронавирус пандемияси даври шароитида Ўзбекистон Транспорт, йўл ва капитал қурилиш, қурилиш индустрияси ходимлари касаба уюшмаси Самарқанд вилоят бирлашган қўмитаси тизимидаги транспорт, қурилиш ва йўл қурилиши корхона ва ташкилотларида карантин эҳтиёт чораларини қўллаган ҳолда жадал суратларда меҳнат жараёнлари амалга оширилиб келинмоқда.
Тизимдаги барча йирик корхона ва ташкилотлар маъмурий ва ишлаб чиқариш биноларига киришда дизенфекция тунеллари ўрнатилиб, ходимларнинг тана ҳарорати ўлчанган ҳолда кириб чиқишлари, ходимлар доимий равишда муҳофаза ниқоб ва қўлқоплари билан таъминланишига эришилмоқда.
Транспорт ва йўл қурилиши ташкилотларида иш жойлари ва транспорт воситаларига доимий равишда дизенфекция воситалари билан ишлаов берилиб, ишга киришишга рухсат берилиши йўлга қўйилган.
Биргина мисол, Самарқанд йўллардан мунтазам фойдаланиш унитар корхонаси карантин талабларига тўлиқ риоя этган ҳолда, Самарқанд халқаро Аэропортини қайта қуриш (реконструкция) ишларини амалга оширмоқда. Бугунги кунда бажарилган ишлар хажми икки баробарга ошган ҳолда корхона ўз кучи билан, бошқа ёрдамчи ташкилотларни жалб қилмасдан қайта қуриш ишларини амалга оширмоқда. Бу эса ўз навбатида корхонанинг иқтисодий аҳволини кескин яхшиланишига ва янги 60 та иш ўринларои яратилишига олиб келди.
Spelling error report
The following text will be sent to our editors: