Маънавият юксалиши сари-талаба ёшлар беллашуви

Транспорт, йўл ва капитал қурилиш, қурилиш индустрияси ходимлари вилоят бирлашган касаба уюшма қўмитаси тизимидаги Самарқанд давлат архитектура-қурилиш институтида Ўзбекистон Ёшлар иттифоқи ташаббуси билан касаба уюшмалари ҳамкорлигида 17-ноябр «Умумжаон талабалар куни» муносабати билан талаба ёшлар ҳафталиги доирасида 13-16-ноябр кунлари бир қатор маьнавий-маьрифий ва спортга оид тадбирлар ўтказилди.
Жумладан, тадбирлар ҳафталигини биринчи кунини ёшлар ташаббуси билан «КУБИК-РУБИК» ўйини бошлаб берди. Унда талабалар ва атрофдаги маҳаллалардан уюшмаган ёшлар вакиллари иштирок этишиб, жуда қизиқарли ва мухлислар олқишлари остида ўтган мусобақада уюшмаган ёшлар вакилларидан Толибов Шохрух 1-ўринни, 2 ва 3-ўринларни эса институтнинг архитектура факультети талабалари Отамуродов Шахзод ва Сафаров Саидмуродлар қўлга киритишди.

Ҳафталикнинг 2-куни «ЗАКОВАТ» интеллектуал ўйини ташкил этилиб, унда институт факультетлари ва ётоқхона талабаларидан тузилган 6 та жамоаларнинг билимлари яна бир карра синовдан ўтказилди. Қизиқарли ва мунозараларга бой тарзда ўтган тадбирда архитектура факультетининг «Архитектор» ва «Зукко» жамоалари, қурилиш факултетининг «Эверест» ва «Бунёдкор» жамоалари, мухандислик коммуникациялари қурилиши факультетининг «Мухандислар» жамоаси ва институт талабалар уйида яшовчи талабалардан тузилган «Зўр-Зўр» жамоалари иштирок этиб, биринчиликни «Мухандислар» жамоаси, иккинчи ўринни «Бунёдкор» жамоаси ва учинчи ўринга «Архитектор» жамоалари эга бўлдилар.

Ҳафталикнинг учинчи куни узоқ ҳафталик доирасидаги энг қизиқарли ва кулгиларга бой «Қувноқлар ва Зукколар» кўрик танлови ўтказилди. Унда архитектура факультетининг «Архитектор», қурилиш факультетининг «Мароқандлик божалар», мухандислик коммуникациялари қурилиши факултетининг «Мухандислар»ва қурилишни бошқариш факультетининг «Ўзбегим ёшлари» жамоалари беллашдилар. Иштирокчилар ижросида турли хил мавзуларда «теша тегмаган», ажойиб кулгига бой ҳазил-мутойибалар талаба ёшлар ва ўқитувчиларга тадим этилди. Кўрик танлов ҳакамлар ҳайъатида «Мароқандлик божалар» жамоаси таркибида илгари иштирок этган Отабек Эргашев ва Азизбек Жумаевлар танловни баҳолаб боришди. Кўрик танловда 1-ўринни «Архитектор» жамоаси, 2-ўринни «Мухандислар» жамоаси ва 3-ўринни «Ўзбегим ёшлари» жамоаси қўлга киритдилар.

Ҳафталикнинг якунловчи кунида талабалар бадиий адабиёт ва шеьриятга қизиқувчи талабалар учун ташкил этилган «Китобхонлик кечаси»ла иштирок этишди. Унда институтнинг барча факультетлари талаба-ёшлари беллашувига гувоҳ бўлинди. Тадбирда таниқли оьзбек ёзувчиларидан П.Қодировнинг «Юлдузли тунлар», Ў.Ҳошимовнинг «Дунёнинг ишлари» асарлари ва Муаҳммад Юсуф шеьрияти бўйича беллашувлар ўтказилди. Китобхонлик кечасида иштирок этган талабаларнинг ҳақиқатдан ҳам китобга бўлган қизиқиши юқори даражада эканлигига яна бир карра гувоҳ бўлинди. Шеьрий айтишувлар, баҳслар давомийлиги якунида китоб мутоласи ҳақида ҳакамлар ҳайьати аьзолари бир қатор илиқ фикрлар билдириб ўтдилар. Шундан сўнг ғолиблар эьлон қилиниб, архитектура факультетининг «Зиё Нур» жамоаси биринчи ва мухандислик коммуникациялари қурилиши факультетининг «Мухандислар» жамоаси иккинчи ўринни эгаллаганлиги эьлон қилинди.

Ҳамкорликда ўтказилган бундай тадбирлар ёшларимизнинг интелектуал салоҳиятини оширишга, бу билан Ватанни севиш ва унга муносиб бўлишга ундайди деб умид қиламиз.

С.Иззатуллаев